Песков: Русија ќе ја прекине офанзивата за само еден ден, но кога Украина ќе капитулира
Портпаролот на Кремљ, Дмитриј Песков, денеска изјави дека Русија ќе ја прекине офанзивата во Украина кога украинските власти и армијата ќе капитулираат.
-Украинската страна може да го прекине конфликтот за само еден ден. Треба да им нареди на националистичките единици да го положат оружјето, да им нареди на украинските војници да го положат оружјето и да ги спроведат сите услови дадени од Русија. Тогаш сè ќе биде готово за еден ден, изјави Песков.
Тој додаде дека Русија не поставила никаков фиксен рок или датум и дека се ориентира според изјавите на нејзиниот претседател.
Песков увери дека „специјалната воена операција“, како што Русите го нарекуваат нападот врз Украина, се одвива според планот.
Тој реагираше на изјавата на украинскиот претседател Володимир Зеленски пред лидерите на Г7, кога ги повика да дадат се од себе до пред крајот на годината да стават крај на конфликтот што ја распаѓа неговата земја.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња