Пердју: Северна Македонија ја одразува реалноста и историјата
Името Република Северна Македонија одлично звучи и ја прикажува реалноста и историјата во регионот, рече поранешниот американски специјален пратеник на Балканот и Џејмс Пердју денеска на 98. Рос Рот семинар посветен на Евроатланската интеграција на Западен Балкан:зајакнување на Европскиот мировен процес.
Според Пердју, грчкиот и македонскиот премиер Алексис Ципрас и Зоран Заев покажале голема политичка храброст за Договорот за името кој, како што посочи, ќе ја промени насоката на движење на македонската нација и целиот регион.
Тој ја поздрави и синоќешната одлука на министерскиот совет во Луксембург за почнувањето преговори на Македонија со ЕУ.
Пердју, кој беше претставен како еден од клучните говорници на семинарот, во своето обраќање ја ословуваше Република Македонија како Република Северна Македонија.
Прашан за позицијата на сегашната админстрација на САД во однос на приемот на Македонија во НАТО, Перјду рече дека ставот на Вашингтон за тоа е ист и конзистентен од 2008 година.
- Поддржуваме членство во НАТО и не гледам причина зошто таквиот стави би се сменил, истакна Џејмс Пердју.
Ново на Сител
-
Трамп ги обвини советниците на Бајден за „велепредавство“
-
Трајко Славески кандидат за гувернер на Народната банка
-
Одбраната на Палевски и Видевски тврди дека ОЈО е контрадикторно во врска со изведените докази
-
ФФМ донесе одлука: Бројот на клубови во ПМФЛ се намалува од 12 на 10
-
Лавров: Русија нема да дозволи да биде измамена со примирје
-
Во првиот квартал со автобуси превезени 9 845 000 патници
-
Заврши доказната постапка во случајот за убиството на Вања и Панче, судењето продолжува на 2 јуни
-
Ликвидирале по нарачка, уапсени четири лица поврзани со убиствата на Орхан Бајрами Оки и Амар Исмани