Пенс и Ципрас разговарале и за прашањето за името на Македонија
Прашањето за името била една од темите за кои синоќа во Вашингтон разговараа грчкиот премиер Алексис Ципрас и американскиот потпретседател Мајк Пенс, јавуваат грчките медиуми, повикувајќи се на извори од премиерскиот кабинет.
На средбата, грчкиот премиер „јасно ставил до знаење дека соседната земја треба да преземе конкретни чекори за да оди напред и да стане членка на НАТО“. Ципрас, исто така, истакнал дека САД може да игра важна улога на страната на Македонија, со цел земјата да преземе неопходни чекори во насока на решавање на прашањето за името.
На средбата била повторена и американската и грчката поддршка за евроатлантскиот пат на Македонија, како и за нејзиниот народ.
Пенс, во името на САД, ја потврдил цврстата позиција на неговата земја за евроатлантскиот курс на Македонија, „за кој смета дека е многу важно да продолжи и целосно ја признава важноста на решавањето на прашањето за името“.
На средбата меѓу Ципрас и Пенс немало никакви изненадувања во дебатата за Македонија, ниту бил извршен некаков притисок, истакнале изворите од кабинетот на грчкиот премиер.
Ново на Сител
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош
-
Амбер Алерт: Кои чекори треба да ги преземете ако вашето дете исчезне?
-
КСЗД го презентираше извештајот за минатата година
-
Две лица осомничени за поткуп – се чека притвор за врховниот судија