Пендаровски заеднички натпартиски кандидат за претседател поддржан од 31 партија
Стево Пендаровски е заедничкиот претседателски кандидат поддржан од триесетина партии предводени од СДСМ и владината коалиција. Натпартискиот кандидат Пендаровски поддршката ја доби синоќа на средбата со партиите од коалицијата предводена од СДСМ и владината коалиција и сите поддржувачи на концептот за заеднички кандидат за претседател на државата.
Одлуката за да биде конечна треба да биде верификувана од органите на одлучување на секоја од партиите и СДСМ тоа треба да го сторат на закажаниот за утре партиски конгрес во Скопје.
Премиерот Зоран Заев по средбата рече дека ова е историска одлука за Република Северна Македонија.
– Почитувани граѓани се обединивме повторно сите Македонци, Албнаци, Срби, Турци, Власи, Роми, Бошњаци и сите други. Првпат во македонската историја различните застануваат зад еден кандидат. Застануваме сите позади Стево Пендаровски. Надпартиски, европски, граѓански, пријател и претседател на сите и за сите граѓани на Република Северна Македонија, изјави премиерот.
Посочи дека вечерва 31 политичка партија заедно се обединија и покажаа дека националните се над партиските интереси.
Алијансата за Албанците и БЕСА, претходно соопштија дека ќе ја поддржат номинацијата на амбасадорот и универзитетски професор Блерим Река. Опозициската ВМРО-ДПМНЕ ја поддржа како свој официјални кандидати за претседател Гордана Силјановска Давкова.
Потписи за кандидатура собираат уште неколку претенденти за функцијата претседател на државата.
Првиот изборен круг за шестите претседателски избори е закажан за 21 април, а вториот ќе се одржи на 5 мај.
Ново на Сител
-
Албанија: Потврдена пресудата за Фреди Белери, со тоа го губи градоначалничкиот мандат
-
Украина се надева дека ќе биде подготвена за влез во ЕУ до 2030 година
-
Курти со честитка до Мицкоски: Не сме само соседи, туку и сојузници и блиски партнери
-
Скопјанец осомничен за тешка кражба на дрзок начин
-
Жител на Пробиштип неовластено подигнал туѓи средства од банкомат
-
Кривична пријава против двајца жители на Кочани кои копале злато во делчевско
-
Отворена истрага за тешка телесна повреда со смртни последици во затворот Идризово
-
Чибишев нов директор на Токсикологија, Меџити на Неврологија, утре нов директор ќе има и Онкологија