Пендаровски во Малме на средба со шведскиот премиер Лофвен
Претседателот на државата Стево Пендаровски, кој престојува во работна посета на Кралството Шведска, денеска во Малме, ќе оствари средба со шведскиот премиер Стефан Лофвен, додека во Гетеборг ќе се сретне со претставници на Македонскиот сојуз во Шведска.
Како што е најавено, утре во Стокхолм, претседателот Пендаровски ќе оствари средба со претседателот на Парламентот на Шведска (Риксдаг), Андреас Норлен, со дел од членовите на комисијата за надворешни работи, комисијата за европски прашања, претседателот на групата за пријателство на Парламентот на Шведска со Собранието на Македонија и претседавачот и членови на Управувачката група на соработката за демократски развој со Македонија.
Во Малме вчера Пендаровски се обрати на Меѓународниот форум за сеќавање на Холокаустот и борба против антисемитизмот “REMEMBER – REACT”, на сесијата „Зачувување на сведоштва и развој на образование за иднината“.
Предвидено е претседателот Пендаровски да оствари средба со министерката за надворешни работи на Кралството Шведска, Ан Линде и со претставници на Шведската агенција за меѓународна соработка и развој (СИДА).
За време на работната посета, се наведува во соопштението од Кабинтетот на претседателот на државата, во Стокхолм, Пендаровски ќе ја посети Нобеловата фондација и ќе оствари средба со претставници на водечки политички фондации и институти.
Предвидено е претседателот на државата Пендаровски да оствари средба и со шведскиот дипломат Карл Билд.
Ново на Сител
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ