Пекинг се закани со одговор на американското соборување на кинескиот балон
По вчерашното соборување на кинескиот шпионски балон над Атлантикот, официјален Пекинг денеска жестоко реагираше.
Кинеските власти соопштија дека го задржуваат правото да „преземат понатамошни дејствија“, критикувајќи ги САД за „јасно претерано реагирање и сериозно кршење на меѓународната практика“.
Официјален Пекинг во соопштение објавено денеска наведе дека Кина цврсто ги поддржува легитимните права и интереси на компанијата што го поседува балонот и во исто време го задржува правото да „преземе дополнителни мерки како одговор“ на американското соборување на балонот, пренесе АП.
Присуството на балон на небото над САД оваа недела им зададе нов удар на веќе затегнатите односи меѓу САД и Кина, кои се влошуваат со години и го натера американскиот државен секретар Ентони Блинкен нагло да го откаже претходно договореното патување во Пекинг.
Американскиот претседател Џозеф Бајден го пофали Пентагон за успешната акција за соборување на кинескиот балон над Атлантикот во близина на брегот на Јужна Каролина.
Според американските власти, војската користела борбени авиони Ф-22 од базата на воздухопловните сили во Вирџинија, а според американската телевизија била истрелана ракета АИМ-9Х. Секретарот за одбрана Лојд Остин рече дека кинеските власти го користат соборениот балон „за да ги надгледуваат стратешките локации во континенталниот дел на САД“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово