Пецас: Се фокусираме на веројатните увезени случаи на Ковид-19 од странство и на можните локални жаришта
Со официјалниот почеток на туристичката сезона, Грција се фокусира на можните увезени случаи на Ковид-19, но и на веројатните локални жаришта, објасни портпаролот на грчката Влада Стелиос Пецас на денешниот редовен брифинг со новинарите.
Паралелно, тој рече дека утре напладне од Министерството за здравство и Генералниот секретаријат за цивилна заштита на Грција ќе бидат соопштени деталите во пресрет на сезоната и отворањето на земјата за туристи на 15 јуни.
-Сега сме фокусирани, прво на веројатноста да има увезени случи од моментот кога земјата ќе ги отвори нејзините порти за туризмот, а второ на можните локални жаришта. Без разлика дали се однесуваат на регион, наслеба, остров, периферија или се однесуваат на една структура, училиште или било што друго. Ги прошируваме секаде контролите и се подготвуваме за сѐ, истакна портпаролот на грчката Влада.
Пецас рече дека еден месец по укинувањето на карантинот, епидемиолошката слика на земјата останува добра, а според последните податоци, како што објасни, факторот на репродукција Р0 е понизок од степенот на кој бил кога беше одлучено да се укине карантинот.
Сепак истакна дека граѓаните не треба да се опуштат, бидејќи ако се опуштат „може да го платат тоа“.
Ново на Сител
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен