Парламентарни избори во Финска
Во Финска денеска се одржуваат парламентарни избори на кои повеќе од три милиони Финци со право на глас ќе можат да изберат 200 пратеници.
На изборите учествуваат повеќе од 2.400 кандидати од 22 партии, а анкетите покажуваат дека најголема поддршка има десничарската партија „Национална коалиција“, како и Социјалдемократската партија на актуелната финска премиерка Сана Марин, како и националистичката партија „Финска“, а секоја има околу 20 проценти поддршка.
Премиерката Марин (34), која во 2019 година стана најмладата премиерка на светот, на денешните избори се бори да остане на власт, со оглед на фактот дека земјата се соочува со рецесија, пренесуваат британските медиуми.
Опозицијата ја критикува финската коалициска влада на левиот центар за прекумерно трошење, додека премиерката смета дека распределбите за образование и здравствени услуги се клучни за да се обезбеди економски раст.
Нејзините политички ривали, десничарот Петери Орпо од Националната коалициска партија и Рик Пури од националистичката партија „Финска“, повикуваат на фискално штедење за да се обноват државните финансии.
Резултатите од последното истражување покажуваат дека Националната коалициска партија води со поддршка од 19,8 отсто, пред социјалдемократите на премиерката со 18,4 отсто и партијата Финска, која има 19,2 отсто поддршка.
Доколку има такви изборни резултати, ниту една од овие партии нема да може сама да формира влада.
Ново на Сител
-
Косовски полицаец држел за врат српски матурант и го малтретирал во Косовска Митровица
-
Црвен крст: Досега собрани 156.542.967 денари за настраданите од пожарот во Кочани
-
Самоизолација и здравствен надзор за двајцата заболени од мајмунски сипаници
-
Претрес во валандовско, пронајдени бела прашкаста материја и шприц
-
Провалиле кај кавадарчанец и украле 10 литра ракија и пари
-
Јавниот автобуски превоз во Скопје утре по неделен возен ред
-
Мбапе за Модриќ: Видов одблизу што значи величина
-
Осимен ги продолжува преговорите со Ал-Хилал