Парламентарци од В4 ги критикуваа квотите на ЕУ
Претставниците на Парламентите на земјите на Вишеградската група (В4), денеска по состанокот во близина на Прага, ги критикуваа обврзувачките квоти за прераспределување на бегалците.
-Јас сепак мислам дека тоа е некаков испад, кој нема да се повтори и дека од тоа Европската комисија особено ќе се поучи и дека нема идните одлуки да ги прима по ова со целосен консензус, изјави претседателот на чешкиот Сенат, Милан Штех, коментирајќи ја одлуката за прераспределба на бегалците.
Претседателот на Парламентот, Јан Хамачек смета дека е грешка таквото чувствително прашање да се пушти на мнозинска одлучување.
-Доколку Европа обрнеше повеќе внимание кон позициите и мислењата на некои држави- членки, немаше да мора да дојде до мнозинското гласање, рече Хамачек.
Квотите ги критикуваше и шефот на унгарскиот Парламент, Ласло Ковер, кој смета дека обврзувачките квоти се обид за провлекување на опасен преседан, кој е дел од планот за федерализација на Европа.
Ковер, додаде дека е неприфатливо и многу опасно, кога одделни земји прават индивидуални одлуки и викаат милиони бегалци во Европа и потоа сакаат ситуацијата да ја решаваат земјите на ЕУ солидарно.
Против квотите се и претставниците на Полска, според кои на крајот бегалците ќе отидат во Германија или друга земја на западна Европа.
Инаку Чешка од почеток беше против обврзувачките квоти за примање на бегалци од земјите-членки на ЕУ исто како и Словачка, Романија или Унгарија.
Ново на Сител
-
Заврши општата расправа за законот со кој учениците од верските училишта ќе можат да полагаат државна матура и да се запишат на кој било факултет
-
Мицкоски: Пензиите ќе пораснат за нови 2.000 денари
-
Муцунски: Инвестиции, инфраструктура, подобар живот – надворешна политика што носи резултати
-
Социолошки поглед за модерен Центар | Горан Герасимовски | Неформално | Sitel Podcast 105
-
Владата со препорака за работодавачите во врска со топлотниот бран
-
САД по третпат го напуштаат УНЕСКО
-
Три лица се хоспитализирани - изгаснат пожарот што избувна во Кочани | ВИДЕО
-
Кремљ: Не очекуваме напредок во мировните преговори со Украина