Париз го поздрави Договорот за добрососедство меѓу Македонија и Бугарија
Франција го поздрави Договорот за добрососедство меѓу Македонија и Бугарија со оценка дека ќе овозможи двете земји да ги продлабочат дијалогот и соработка и ќе придонесе за зајакнување на стабилноста во регионот на Балканот.
- Франција го поздравува потпишувањето на Договорот за пријателство, добрососедство и соработка што премиерите на Поранешната Југословенска Република Македонија (ПЈРМ) и на Бугарија, Зоран Заев и Бојко Борисов го потпишаа во вторник, 1 август. Таа се надева дека овој договор ќе овозможи Скопје и Софија да ги продлабочат својот дијалог и соработка, особено на политички, економски и културен план и дека ќе придонесе за зајакнување на стабилноста во регионот на Балканот, се наведува во соопштението на француското Министерство за Европа и надворешни работи.
Франција, се додава, потсетува дека добрососедските односи и регионалната соработка се основните елементи од процесот на европско приближување. - Тие придонесуваат за просперитет, стабилност, помирување и за создавање погодна клима за решавање на билатералните спорови и проблеми наследени од минатото, стои во соопштението на француското Министерство за Европа и надворешни работи.
Ново на Сител
-
Локомотива удрила пешак кај Хиподром
-
Едно лице одзело осум кеш бокса и сеф од казино во Чаир
-
Тројца малолетници тепале свој врсник, еден од нив снимал со телефон
-
Ноќва возач излетал од коловозот кај порта Македонија и удрил во тенда од продавница
-
Русија и Украина разменија по 1.000 воени заробеници
-
Двајца затвореници од Идризово барале „рекет“ од мајка на друг затвореник за негова „гаранција и заштита“
-
Претрес во дом на лице кое нападнало полицајци, пронајдена бела прашкаста материја
-
19-годишник од Кавадарци и ја украл ташната на постара жена, при што ја турнал и ја повредил