Палмер: Вашингтон очекува ЕУ во март да отвори пристапни преговори со Скопје и Тирана
САД очекуваат Европската унија следниот месец да ги отвори пристапните преговори со Македонија и Албанија и сметаат дека европскиот пат на двете земји е неопходен, изјави специјалниот американски претставник за Западен Балкан Метју Палмер.
– Сметаме дека двете земји според постигнувањето и заслугите се квалификувани да ги почнат преговорите. Тоа би било важен сигнал што треба да се испрати до регионот. Неопходно е Македонија и Албанија да имаат јасен европски пат и европска перспектива, истакна Палмер за бугарскиот сервис на Радио Слободна Европа.
Тој изразува загриженост за вклучувањето на Русија на просторот на Западен Балкан и како што наведува обидите на Москва за поткопување на меѓународната поддршка на Преспанскиот договор со кој се реши 27-годишниот спор меѓу Скопје и Атина за името и ја отстрани пречката за приклучување на Македонија во НАТО и ЕУ.
Според него, целта на Русија е да го дестабилизира Западниот Балкан преку конфликти и воведување елементи на хаос, како и креирање раздор меѓу државите во регионот и меѓународната заедница.
Ново на Сител
-
Татко ја пријавил за исчезната малолетната ќерка, таа се јавила од Косово
-
Криминалци со пиштоли влегле во фирма за брзи кредити и украле 5000 евра
-
Мицкоски иницира изготвување стратегија за државата во соработка со МАНУ, ја повика опозицијата заеднички да носат одлуки
-
Утре во Брисел нова рунда од дијалогот Белград-Приштина
-
Димитриеска-Кочоска: Растот на економијата следната година над 3,5 отсто, се темели на инвестиции
-
Мицкоски по повод 23 Октомври: Да не го губиме времето на поделби, туку да создадеме општество на можности и почит
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица