Палермо го отпушти четвртиот тренер оваа сезона

 

 Италијанскиот фудбалски прволигаш Палермо продолжува по старо и по доаѓањето на новиот претседател Пол Бакалини, бидејќи денеска го смени тренерот Диего Лопез.

 

Лопез заедно со спортскиот директор Никола Салерно е отпуштен по петтиот последователен пораз во Серија А – од Милан (4:0) минатиот викенд.

 

На негово место е поставен Диего Бортолучи кој досега работеше во младинската школа.

 

Пред доаѓањето на новиот сопственик, додека клубот го водеше котроверзниот Маурицио Ѕампарини, отказ оваа сезона добија Еугенио Корини, Давиде Балардини и Роберто Де Зерби.

 

Екипата на Палермо се наоѓа на претпоследното 19.место на табелата во италијанската Серија А со 15 бодови и е со минимални шанси да избори опстанок.

 

За Палермо настапуваат македонските репрезентативци Илија Несторовски и Александар Трајковски