Пакистанскиот Врховен суд го суспендира премиерот Шариф
Врховниот суд на Пакистан денеска реши да го суспендира од должноста пакистанскиот премиер Наваз Шариф, со оценка дека тој е неподобен за извршување на оваа функција.
Ваквата одлука на Судот доаѓа по претходно отворената истрага против актуелниот пакистански премиер за корупција, откако државното обвинителство почна да го проберува имотот и богатството на неговите деца.
Истрагата беше покрената по објавувањето на „Панамските документи“ во 2015 година, од кои се досна дека децата на Шариф имале зделки со оф-шор компанија.
Преку оваа компанија купиле имот и станови во Лондон, со што сега е доведена во прашање политичката судбина на пакистанскиот премиер.
Од почетокот на истрагата, Шариф ги отфрла сите обвинувања и тврди дека тој нема ништо со имотот на неговите деца, како и дека не знаел за врските што тие ги имале со оф шор компанијата преку која правеле зделки.
Опозицијата меѓутоа не ги прифаќа ваквите објаснувања и бара од Шариф да поднесе оставка на функцијата.
Пакистанските медиуми јавуваат дека одлуката на петмината судии на Врховниот суд била донесена со тајно гласање.
Еден од судиите, по соопштувањето на пресудата, изјавил дека Наваз Шариф „не може повеќе да биде почестен со чланството во Парламентот“.
Ситуацијата во главниот град Исламабад е тензична, а голем број полициски и безбедносни сили се распоредеи околу зградата на Судот во очекување на можната реакција и протестите на приврзаниците на суспендираниот пакистански премиер.
Ново на Сител
-
Директорката Иљази им забрани на вработените да даваат изјави за медиумите
-
Безживотно тело на маж извлечено од водите на Вардар во центарот на Скопје
-
Земјоделци од селата Иловица и Штука го блокираа патот заради ниските откупни цени на младиот компир
-
Намален бројот на превезени патници во патниот сообраќај во првиот квартал
-
Денеска и утре нестабилно со пороен дожд
-
Почина 32-годишник, излетал од патот со автомобил
-
Општина Карпош демантира дека издала одобрение за забавниот парк кај „Борис Трајковски“
-
ССМ: Синдикална минимална кошница за мај 60.090 денари