Пациенти со тешка форма на Ковид-19 позитивно реагирале на пробниот лек „Ремдесивир“ на компанијата „Гилиад“
Акциите на фармацевтската компанија „Гилиад“ во четвртокот ненадејно се се зголемија за 16 проценти на затворањето на берзанското тргување, а името на компанијата одеднаш блесна во американската јавноста откако од неа излегоа охрабрувачки податоци за експериментот со пробниот лек „Ремдесивир“ врз пациенти со тешка форма на болеста Ковид-19.
Болницата на Универзитетот во Чикаго, која учествува во антивирусна студија, соопшти дека е забележано брзо закрепнување од зголемената температура и респираторните симптоми и дека речиси сите пациенти биле испратени дома за помалку од една недела, посочува медицинскиот портал СТАТ.
Компанијата преку електронска пошта соопшти дека „е неопходно да се анализираат сите податоци за да се дојде до какви било заклучоци од експериментот“.
Болницата во Чикаго, исто така, во своја порака кажа дека „делумните податоци од клиничкото испитување по дефиниција се нецелосни и никогаш не треба да се користат за да се дојде до заклучоци“.
Универзитетот соопшти дека информациите биле добиени од внатрешен форум наменет за колегите истражувачи околу тековната работа и дека биле објавени без одобрение.
„Гилиад“, подоцна, во текот на овој месец, ги очекува резултатите од третата фаза од тестирање врз пациенти со тешка форма на Ковид-19, а дополнителните податоци од другите истражувања ќе бидат достапни во мај.
Во моментов нема одобрен лек за Ковид-19, високо заразна респираторна болест предизвикана од новиот коронавирус, што инфицираше повеќе од два милиони луѓе ширум светот.
Порталот СTAT наведува дека болницата во Чигаго во експериментот користела 113 доброволци со тешки случаи на Ковид-19, додавајќи дека повеќето од нив ја напуштиле болницата, а само двајца пациенти починале.
Интересот за експерименталниот лек на „Гилиад“ за време на пандемијата со коронавирусот е исклучително голем, бидејќи анализата на „New England Journal Medicine (НЕММ) покажа дека две третини од помалата група пациенти со тешки случаи на Ковид-19 забележале дека нивната состојба се подобрила по третманот со лекот „Ремдесивир“.
Акциите на „Гилиад“, кои на редовното тргување се затворија на 76,54 долари, по неколку часа скокнаа за 16 проценти, на 89,1 американски долари.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово