Отворени телефонски линии за донации за семејствата на настраданите во пожарот во Кочани
Црвениот крст соопшти дека се отворени телефонски линии за донации од Македонски телеком и А1 Македонија143 400 (донација од 100 денари од телефонски повик). Донации може да се направат и преку сметката на Фондот на солидарноста на Црвениот крст на РСМ: 300000001327966, даночен број: 4030984271620 АД Комерцијална банка со назнака: помош за настраданите граѓани во пожарот во Кочани.
Од Црвениот крст информираат дека се отворени и наменски телефонски линии за прва психолошка помош на броевите 071/338-081 во Кочани, 074/203-030 во Штип и 072/271-048 во Скопје кои ќе бидат во функција 24/7.
-Црвениот крст на РСМ веќе е контактиран од страна на Меѓународната Федерација на друштвата на Црвен крст и Црвена полумесечина, Меѓународниот комитет на Црвен крст, Албанскиот Црвен крст, Бугарскиот Црвен крст, Црвениот крст на Србија како и поголем број на компании и граѓани да дадат поддршка за настраданото население. Хуманиот одговор од страна на граѓаните, компаниите и здруженијата на граѓани, и овојпат се покажа како брз и ефективен со донации на храна, вода, сместување за членовите на семејствата на повредените лица, санитетски материјали, човечки ресурси и финансиска поддршка, велат од Црвениот крст.
Оттаму информираа дека во функција се ставени сите механизми за хуманитарна помош за повредените и семејствата на настраданите со нудење на прва психолошка поддршка, прва помош и материјална поддршка.
Доставена и помош во болницата во Кочани со ќебиња, постелнина и инвалидски колички, а пред болниците во Скопје, Штип и Кочани отворени се пунктови на Црвениот крст каде граѓаните може да добијат дополнителни информации за нивно сместување, освежување, храна, прва помош и прва психолошка помош. Во функција се ставени и возилата на Црвениот крст.
Ново на Сител
-
Отворена истрага за 34 осомничени, Обвинителството бара притвор за сите
-
Тошковски: Заврши првата фаза од постапувањето за пожарот во „Пулс“
-
Намален бројот на повредени хоспитализирани во земјата и странство нема транспорт на повредени надвор од државата
-
Итна и првична помош од 2.500 евра за сите засегнати од пожарот
-
Обдукцијата покажа дека 59-те лица починале од задушување со јаглероден моноксид во дискотеката во Кочани
-
МОН мобилизира мрежа од 100 психолози за да помогнат на кочанчани и околината
-
Вонредни инспекции ги тресат угостителите
-
Се проверуваат сите 1.100 лиценци издадени согласно Законот за градба, речиси 100 се одземени