Отворен ден за „Еразмус плус“ на штипскиот универзитет
Националната агенција за европски образовни програми во соработка со Центарот за Меѓууниверзитетска соработка при универзитетот „Гоце Делчев“-Штип денеска организираше за студентите и наставниот кадар Отворен ден за програмата „Еразмус плус“.
Директорот на Националната агенција за европски образовни програми, Дарко Димитров вели дека е задоволен што штипските студенти и наставниот кадар ја користат оваа програма за мобилност, со која им се овозможува да заминат во некои од познатите европски универзитети и да стечнат нови знаења.
- Разликите во бројките е голема во делот на размената, односно повеќе заминуваат, отколку што доаѓаат. Тоа е и нормална ситуација, бидејќи ние сме и релативно нова членка во Еразмус плус. Република Македонија како полноправна членка учествува од 2014 година. Знам дека во моментов тука имаме четири студенти во Штип кои се од други држави и на другите универзитети имаме студенти од други држави, така што во „Апостол Павле“ во моментов имаме шест студенти, имаме осум студентите на универзитетот „Свети Кирил и Методиј“. Така што тој број постепено се зголемува, вели Димитров.
Тој истакна дека 50 студенти од штипскиот универзитет ја искористиле програмата Еразмус плус.
- Она што е важно е и дека Националната агенција обезбеди и стажирања за студентите. Тоа значи дека сите студентите после втората година, покрај мобилност за студирање и ќе можат да излезат и на мобилност за работа, односно за стажирање во странски компании. Ние веќе воспоставивме врски со странските компании, кои што имаат потреба од стажови и истите им ги предаваме на канцелариите за меѓународна соработка, вели Димитров.
Сања Стефанова од Центарот за Меѓууниверзитетска соработка при универзитетот „Гоце Делчев“-Штип вели дека во текот на една година 50 студенти од овој универзитет ја искористиле Еразмус плус програмата. Најголем интерес има од студентите од Факултети за информатика и медицински науки, во текот на изминатите месеци ги мотивираат и останатите факултети да ги искористат можностите на оваа програма.
Ново на Сител
-
Курти за вонредни избори во Косово: Опозицијата да се подготви, ние сме секогаш подготвени
-
Фицо е во тешка животозагрозувачка состојба
-
МОН: Започна печатењето на одобрените учебници од прво до седмо одделение
-
Кривична пријава за полициски службеник за малтретирање во вршење на службата
-
Обид за атентат врз словачкиот премиер по состанок на Владата
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра
-
Намалени производството и продажбата на шумски производи