Отворен ден на Државниот универзитет во Тетово
Пред ректоратот на Државниот универзитет во Тетово денеска се одржа традиционалниот Отворен ден на ДУТ за претставување на понудата од 13-те факултети и наставни програми за академската 2018/2019 година.
- Во текот на овој ден матурантите ќе имаат можност да се запознаат со понудата од сите наши 13 факултети за следната академска учебна година. Согласно конкусот предвидуваме да примиме околу 3.000 студенти, изјави прореректорот за настава Решат Ќаили.
Во рамкие на Филолошкиот факултет, додаде, е и катедрата по македонски јазик и книжевност каде за следната година се предвидува да се запишат 50 нови студенти.
- Ние како наставен кадар од Универзитетот и Катедрата по македонски јазик и книжевност претходно посетивме повеќе средни училишта во Тетово како Економското, Земјоделското и Гимназијата, а планираме да ги посетиме и средните училишта во Гостивар и насекаде во Македонија. Сакаме на матуратите одблиску да им ја претставиме понудата на нашата студиска програма што има осум семестри. По нивното завршување тие се здобиваат со звањето професор по македонски јазик и книжевност. Во рамките на нашите активности е организирање на македонистичка вечер, посети на куќи на наши писатели и творци и други наставни и воннаставни активности рече професорката Марина Спасовска.
Во рамките на Отворениот ден беше организиран и вториот саем на прехранбените продукти “Food Expo 2018” каде со свои штандови учествуваа повеќе прехранбени компании од земјата.
Ново на Сител
-
Баро: Путин е пречка за мирот, потребни се нови санкции против Русија
-
Баерн подготвува емотивно збогување со ветеранот Милер
-
Путин и Трамп разменија честитки по повод 80-годишнината од победата над нацистичка Германија
-
Во Москва средба Вучиќ - Си Џинпинг
-
Бискупот Стојанов упати честитки до папата Лав Четиринаесетти
-
Потребна е итна санација на патот во Галичник
-
Затворени пет бензински пумпи во Солун и во Атина поради измами со гориво
-
В недела посебен режим на сообраќај во Скопје