Отворен ден на АХВ во Прилеп
Агенцијата за храна и ветеринарство денеска организираше Отворен ден во Прилеп. Директорот на АХВ Зоран Поповски притоа ја посети фабриката „Витаминка“ и разговараше со претседателот на Управниот одбор и претставниците од менаџментот Симон Наумовски.
Како што соопшти АХВ, дел од темите за кои се дискутирало биле олеснување на административните процедури за да се поедностави трговијата на домашниот и на странските пазари, разгледување на проблемите и предизвиците со кои се соочуваат домашните оператори со храна со цел зголемување на производството и извозот, запознавање со технологиите на производство, плановите за развој и ширење на бизнисот.
- Целта на посетите на компаниите - лидери што во рамки на Отворените денови на Агенцијата ги реализираме, е да се согледаат реалните проблеми и предизвиците со кои тие се соочуваат, во производството, но и во пласманот на производите за да се зголеми и продуктивноста и извозот. Тука сме да се запознаеме со процесот на производство и технологиите кои се применуваат, но и да ги согледаме нивните потреби за модернизација и унапредување на производството, изјави Поповски. Исто така, додаде тој, наша цел е и да помогнеме во олеснување на административните пречки и процедури доколку ги има, во насока на унапредување на постоечките и отворање на нови пазари.
На Отворените средби, граѓаните и компаниите ги изразија своите ставови во врска со безбедноста и квалитетот на храната во Република Македонија и дадоа предлози за тоа како да се унапреди соработката на секторите со цел зголемување и на понудата и на безбедноста и квалитетот на производите. Од нивна страна интерес беше покажан и за прашањата кои се однесуваат на здравствената заштита и благосостојбата на животните соопшти АХВ.
По Ресен, Битола, Охрид и денеска Прилеп, Отворени ден за граѓаните и компаниите со Агенцијата за храна и ветеринарство ќе се одржат и на 10 ноември во Велес и на 17 ноември во Скопје.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили