Отворен 20. меѓународен фестивал „Денови на комедија“
Со изведба на претставата „Целото тело тука ме боли“ во изведба на театарот Јазавац од Бања Лука, Босна и Херцеговина синоќа беше отворен 20. меѓународен фестивал „Денови на комедија 2017“. На фестивалот ќе бидат изведени 15 комедии од Македонија и државите од соседството.
- Фестивалската вечер 20 години успешно опстојува и ги привлекува љубителите на комедијата. Годинава по две претстави има од Србија, Бугарија, една од Косово, а останатите се од Македонија, изјави директорот на Центарот за култура Роберт Цветковски.
Организаторот очекува добра посетеност на претставите, како и претходните годинни.
Фестивалот го отвори градоначалникот на општина Куманово Зоран Дамјановски, кој истакна дека фестивалот на комедијата се одржува во градот кој е познат како град на комедијата и сатирата.
- Локалната самоуправа не случајно е дел од овој фестивал, кој нуди петнаесет претстави. Се надевам дека ќе побуди интерес кај публиката, рече Дамјановски.
Јубилејното издание ќе го затвори премиерата „На погрешно место во погрешно време“ на Кумановскиот театар. Фестивалот „Денови на комедија“ се одржува со поддршка на Министерството за култура и локалната самоуправа. Претставите почнуваат во 20 часот.
Ново на Сител
-
Втор ден Самит „Македонија 2025“ со панели за справување со корупцијата, странски инвестиции, дигитализација
-
Во Србија уапсен човек поради закани кон претседателот на државата
-
Состојба на патиштата
-
Облачно со повремен дожд и ретки грмежи
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина