Осветлен е влезот и излезот на Штип кон Скопје и Велес

Осветлен е влезот и излезот на Штип, кој е и главната артерија на градот кон Велес и Скопје. Градоначалникот на општина Штип, Благој Бочвраски истакна дека заврши еден голем проект, кој на центарот на источниот регион му дава модерен и урбан изглед. Во реализацијата на овој проект инвестирани се околу 2,3 милиони денари. Средства обезбедени од буџетот на општина Штип. Новите столбови и лед светилки се поставени во должина од над еден километар.

-Овој влез беше без тротоар за пешаци, ниту клупи, корпи за отпадоци, ниту улично осветлување, а денеска гледаме сосема нов лик и дава ново светло на нашиот град. Се работи за должина од 1.300 метри на самиот пристап на градот, каде што веќе изградивме и тротоар, за поголема безбедност на студентите, кои студираат на Кампус 4, вели Бочварски.

Новите столбови на уличното осветлување се девет метри, а поставена е комплетна нова инсталација за ова улично осветлување. Дополнително осветлен е и новиот кружен тек кај поранешна Алумина, а инвестицијата чини околу 200.000 денари.

-Што значи 2,5 милиони денари беа тендерските постапки, што ги завршивме за да Штип заличи на еден модерен, вистински европски град во којшто самиот влез е првиот контакт на сите граѓани од околните места коишто доаѓаат. Тоа го правиме заради тоа што Штип мора да оди напред и да се развива, вели Бочварски.

Тој најави дека во тек е и постапка за осветлување на влезот и излезот од населбата Ново Село до училиштето „Искра“, од каде што се патува кон Радовиш и Струмица.