Осуммина повредени во вооружен напад во Балтимор
Тројца вооружени напаѓачи со огнено оружје повредија осум лица, меѓу кои и едно три годишно дете, во американскиот град Балтимор, по што побегнале, соопшти локалната полиција.
Повредените веднаш се пренесени во болница и нивниот живот не е во опасност.
- Нападот се случил околу 20 часот и 30 минути по локално време, откако тројцата вооружени мажи се собрале во група, пристигнувајќи од различни правци, изјави комесарот на балтиморската полиција Кен Дејвис.
Тој додаде дека станува збор за планиран одмазднички напад како одговор на престрелката на почетокот од месецов, пред одбележувањето на Денот на трудот, кога еден маж бил убиен, а две жени се повредени, од кои едната била бремена.
Дејвис не објаснил како истражните органи утврдиле поврзаност меѓу двата инцидента.
Комесарот истакна дека лицата, кои синоќа беа повредени, би можеле да ги препознаат напаѓачите, но властите не можеле веднаш да ги идентификуваат осомничените и се уште трагаат по нив. Едниот од нив имал ловечка пушка, а другите двајца носеле пиштоли.
Ново на Сител
-
Лазарини: Од Рафа побегнаа 800.000 луѓе, нема безбедно место во Газа
-
Пронајдени телата на четворица мигранти, спасени 52 лица во близина на брегот на Тунис
-
Северозападна Индија ја зафати топлотен бран, температурата во Њу Делхи достигна 47,1 степен
-
Променливо облачно и нестабилно со пороен дожд и грмежи
-
Состојба на патиштатa
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче