Осум лица загинаа, а четворица се повредени во сударот на минибус со два камиони
Британската полиција соопшти дека осум мртви и четворица повредени е билансот од сударот, што се случи вчера, рано наутро, меѓу еден минибус и два камиони.
Сударот се случи нешто по 03.00 часот на автопатот што од Лондон води кон северот на Велика Британија, кај клучката во близината на градот Милтон Кинес, во се уште до крај не разјаснати околности.
Загинати се шет мажи и две жени, додека меѓу повредениет, кои се наоѓаат во животна опасност, има и едно дете.
Сите биле гости од Индија кои допатувале во посета кај свои роднини и биле на патување низ Велика Британија.
Полицијата денеска ги идентификува двајцата возачи, Ришард Масиерак (31) и Дејвид Вагстаф (53), кои се обвинети за несреќата и се наоѓаат во притвор.
Според полицијата тие се виновни за вкупно осум кривични дела, поврзани со невнимателно возење и загрозување на безбедноста на патиштата, со смртни последици.
Кај едниот од возачите, Полјакот Масиерак кој живеел и работел во Велика Британија, е најден и алкохол во крвта, над дозволеното ниво.
Минибусот е целосно уништен, додека тешки оштетувања има и кај двата големи камиони, што за полицијата е само потврда за вината на возачите и за нивната неодговорност при возењето.
Камионите им припаѓаат на компаниите „Федекс“ и „АИМ Лоџистик“ за разнесување поштенски пратки.
Ново на Сител
-
Тема на денот со Весна Бендевска, потпретседателка на ЗНАМ
-
Гаши поднесе оставка во Алтернатива, утре ќе биде избран за собраниски спикер
-
Заседава раководството на СДСМ - Ковачевски нема да се кандидира, неколкумина подготвени да влезат во трка
-
ДИК го отфрли приговорот на ДУИ
-
Претседателката ќе го почитува Уставот
-
ВМРО-ДПМНЕ, Вреди, ЗНАМ пред финален договор - распределени министерствата и претседател на Собранието
-
ДИК одлучува за гласањето во Желино
-
Пукање на Пластичарска: Еден загинат, двајца ранети