Осум лица аплицираат за две места во ДИК
Комисијата за прашања на изборите и именувањата денеска ја утврди листата на кандидати по Одлуката за огласување на избор на членови на Државната изборна комисија. Листата со осум кандидати треба да биде доставена до претседателот на Собранието.
По објавениот оглас се пријавиле Ивана Костадиноска од Скопје, дипломиран правник со положен правосуден испит, Ангелчо Ристов од Делчево, дипломиран правник со положен правосуден испит и магистер по административно право и јавна администрација, Атанас Урумов од Гевгелија, дипломиран правник со положен правосуден испит, Ѓорѓи Коробашиев од Велес, дипломиран економист, Светлана Карапетрова од Тетово, дипломиран економист магистер по економија финансии, сметководство и ревизија, Емилија Андовска од Велес, дипломиран правник, Бети Горѓиеска од Скопје, дипломиран инженер по електротехника и Јана Илиева од Скопје, дипломиран правник и доктор на науки по меѓународно право.
Согласно членот 27 став 1 од Изборниот законик и Огласот, за член на Државната изборна комисија може да биде избрано лице кое е државјанин на Република Северна Македонија со постојано место на живеење во земјава, да има завршено високо образование, со најмалку осум години работно искуство и да не член на орган на политичка партија.
Собранието на Република Северна Македонија на седницата оддржана на 2 октомври 2024 година ја донесе Одлуката за огласуване на избор членови на Државната изборна комисија.
Ново на Сител
-
Малолетничка нападната од двајца мажи во Шуто Оризари
-
24-годишна девојка пронајдена почината во казино во Скопје
-
Млад мотоциклист тешко повреден во сообраќајка во Скопје
-
Кривична за две лица кои во соблекувална нападнале фудбалер од ОФК „Карбинци“
-
Герасимовски: Од Капиштец отпочнува караванот „Се гледаме во маало“ - заедно со центарци ја креираме новата програма
-
57-годишна битолчанка насилно силувана од сопругот
-
Царинската управа за една година наплатила над 177 милиони евра
-
Пожар во затвор во Сплит, неколку затвореници хоспитализирани