Османи не го прими Коњуфца на консултациите за идните избори: Поканата беше само за партиските лидери
Службата за информирање на косовското Претседателство соопшти дека денешната средба што ја свика претседателката Вјоса Османи, на која треба да се разговара за датумот на идните парламентарни избори, била само за партиските лидери, а на неа не присуствувал премиерот Албин Курти, претседател на владејачката партија во Косово, Движење самоопределување (ВВ), јави дописникот на МИА од Приштина.
Со оглед дека Курти не се појавил на средбата, на која присуствуваа лидерите на парламентарните опозициски партии на косовските Албанци, Османи одбила на средбата да го прими потпретседател на ВВ, актуелниот претседател на Собранието, Глаук Коњуфца.
Од Владата одговорија дека го предложиле Коњуфца да учествува на оваа средба, бидејќи премиерот Курти во тоа време бил на ручек со амбасадорите, што бил договорен пред три недели.
Портпаролот на Владата, Перпарим Криезиу смета дека името на Коњуфца треба да биде прифатливо. Тој додаде дека премиерот Курти е подготвен да учествува на овие средби во попогодно време.
– Премиерот е на ручек со 21 акредитиран амбасадор во Косово, каде што е поканет како почесен гостин. Ручекот е закажан за 10 јули. Потврдата на премиерот за овој ручек е дадена пред три недели.
Не можејќи да учествува во предложениот распоред, премиерот Курти предложи ЛВ да биде претставена од нејзиниот прв потпретседател, Глаук Коњуфца. Што сметаме дека треба да биде прифатливо.
Премиерот Курти е подготвен да учествува на секоја идна средба во погоден ден и термин, изјави Криезиу за медиумите.
Во поканата што Претседателството ја упати до лидерите на политичките партии за денешната средба, стои дека денеска „претседателката Вјоса Османи ќе одржи консултативна средба со лидерите на политичките партии.
Ново на Сител
-
Три вработени во ЈСП Скопје обвинети за проневера од 23 милиони денари
-
Уапсен Илир Мета, поранешен претседател на Албанија и лидер на Партијата на слободата
-
Министерот Трипуновски потпиша договор со Управата за хидрометеоролошки работи за користење на финансиска поддршка од 1.000.000 денари
-
Околу двесте лица вакцинирани од утрото во поликлиника „Бит Пазар“
-
Трамп за Волстрит Журнал: На Путин му реков дека ќе го гаѓам центарот на Москва доколку ја нападне Украина
-
Неизвесен за натпреварот со Порто - Борозан нападнат од кучиња скитници
-
Уапсени две лица барани од Интерпол-Австрија и Интерпол–Словачка
-
Намалување на цените на горивата