Општина Битола вклучена во меѓународен проект „Креативни индустрии и енергетска ефикасност“
Општина Битола, балканскиот фонд БЦЦ, Универзитетот „Марин Барлети“ од Албанија и албанскиот Институт Адриа, потпишаа меморандум за соработка и учество во меѓународниот проект „Креативни индустрии и енргетска ефикасност“.
На промотивниот настан во Битола градоначалникот Владимир Талески посочи дека вклучувањето на општината во проектот „Креативни индустрии и енергетска ефикасност“ ќе овозможи создавање нови партнерства и меѓународна поддршка на проектите на локалната самоуправа.
- Регионалното поврзување е во функција на проектот „Креативни индустрии и енергетска ефикасност“ кој отвора пат за идни конкретни проекти од оваа сфера. Очекувам Битола како филмски град посебно да ги почувствува предностите на овој проект и затоа од денес преку потпишаниот меморандум сме дел од него, истакна Талески.
Меморандумот во Битола, освен градоначалникот Владимир Талески, го потпишаа и Адриатик Дудај, директор на Инстутот Адриа за креативни индустрии, директорот на БЦЦ Димитар Николовски-Таки и претставник на Универзитетот „Марин Барлети“.
- Новоформираната регионална мрежа во овој момент вклучува 18 општини од Албанија и пет градови од Македонија, но ќе бидат вмрежени и градови од Грција и на тој начин ќе можеме да понудиме проекти кои ќе ги користат околу еден милион граѓани кои живеат во овој регион. Поддршката од европските фондови е реална и очекуваме конкретни и креативни идеи, нагласи гостинот од Албанија, Адриатик Дудај.
Балканската мрежа БЦЦ (Balkan Cinema City’s) чиј претседател е битолчанецот Димитар Николов-Таки, во текот на годината поддржа три регионални проекти, а во наредниот период директно ќе помога во идејата за обединување на регионите и ресурсите кои овозможуваат побрз развој.
- Регионите во Албанија во овој момент се лидери од Западен Балкан за привлекување на странски инвестиции, а фондот БЦЦ како посебен сектор во проектот „Креативни индустрии“ учествува во промоцијата на филмската индустрија. Во овој период ние ги поддржавме проектите „Броукен“ копродукција меѓу Албанија, Италија, Грција и Македонија, потоа проектот „Балканска хармонија“ документарец посветен на Теодосиј Спасов и Влатко Стефановски и проектот „Болката останува“, краток филм во македонско-бугарска продукција, кои очекуваме да имаат фестивалски изведби, појасни Николов.
Ново на Сител
-
Д-р Мерџановски: Брза и ефикасна беше реакцијата за згрижување на пациентите од Кочани
-
Тошковски: Најважно од сѐ е да се покаже одговорност преку дејствување
-
Јаневска: Обезбедена психолошка поддршка за учениците
-
Чибишев: На Токсикологија се седум пациенти и сите се стабилни
-
Обдукцијата и идентификацијата завршени, кај сите настрадани во пожарот констатирана насилна смрт од задушување
-
Едно лице потешко повредено кога возило на АРМ се превртело кај Соколарци на патот Штип-Кочани
-
УНРВА: Во Газа има брашно за само уште шест дена
-
„Ниту бил причина за пожарот, ниту бил на должност, сакаат да ја префрлат вината“ - се огласи сопругата на Бектеши