Општина Аеродром ќе добие нов парк од 5.700 метри квадратни
Општина Аеродром ќе добие нов парк од 5.700 квадратни метри во Реонски центар Аеродром, значаен придонес во неговата изведба и уредување ќе биде обезбеден од Шведска, а ќе го спроведе канцеларијата на УНДП, информираат од општината.
Оттаму истакнуваат дека Шведска претставува најголем билатерален донатор меѓу ЕУ-земјите во нашата држава.
-Во посета на Аеродром вчера беше шведската амбасадорка Кристин Форсгрен Бенгтсон, која заедно со градоначалникот Тимчо Муцунски направија прошетка низ општината и обиколка на локацијата на која ќе биде поставен овој парк. Градоначалникот Муцунски на амбасадорката ѝ презентираше некои од врвните приоритети за развој на општината во наредниот период, меѓу кои највисоко место зазема и заложбата за чиста и здрава животна средина, се наведува во соопштението.
Како што потенцираат, предвидениот парк се наоѓа на локација на која до неодамна биле предвидени градежни маркици за изградба на станбени објекти, а по иницијатива на градоначалникот се пренаменети во парк кој ќе зафаќа површина од 5.700 метри квадратни.
Ново на Сител
-
Приведено лице од Долни Дисан поради бегство од затворот во Куманово
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден