Опозицијата на Косово собра 150.000 потписи со барање премиерот да го повлече потписот од Бриселскиот договор

Опозицијата на Косово собра 150.000 потписи од граѓани, кои го поддржуваат барањето премиерот Иса Мустафа да го повлече својот потпис од договорите постигнати меѓу Белград и Приштина во Брисел.

Опозицијата бара да биде поништен и договорот за определување на границата со Црна Гора.

Организаторите изјавија дека петицијата ќе ја испратат до косовскиот Парламент, до локалните институции, до Брисел и Вашингтон, а доколку барањето не биде исполнето ќе започнат со протести.

Премиерот Мустафа истакна дека не ги прифаќа барањата и нема да го повлече својот потпис од Бриселските договори.

Американскиот амбасадор во Приштина изјави дека САД ги поддржуваат документите потпишани во Брисел, вклучувајќи го и договорот за формирање Заедница на српски општини.