Оперската претстава „Риголето“ во МОБ

Оперската претстава „Риголето“ на прославениот Џузепе Верди ќе биде изведена вечер во Македонската опера и балет, во рамки на 44. Мајски оперски вечери. 

„Риголето“ се смета за една од најубавите музички драми во оперската литература и нејзиното либрето се базира на расказот „Кралот се забавува“ на Виктор Иго.

Во претставата настапува врвна солистичка екипа: Риголето:  Карлос Алмагер Вилалобос (Мексико), Џилда ќе ја толкува Зана Абази-Рамадани (Косово), Војводата од Мантова Михаил Михајлов (Бугарија), Спарафучил: Владимир Саздовски, Мадалена: Вишња Радосав (Србија), во главните улоги.

Во останатите улоги ќе настапат: Васко Здравков, Диме Петров, Билјана Јосифов,  Кристијан Антовски,  Дарко Нешовски,  Ана Ројдева-Талевска, Десанка Глигоријевиќ и Невен Силјановски.

Диригент е гостинот од Италија, Џанлука Марчано.