Охридско лето: Концерт од опусот на Властимир Николовски
Во пресрет на 90 годишнината од раѓањето на македонскиот композитор Властимир Николовски вечер во црквата „Света Софија“ ќе биде изведен концерт од неговиот творечки опус во рамките на 55. јубилејно издание на фестивалот „Охридско лето“.
Властимир Николовски (1925 – 2001) е еден од најзначајните и најплодните македонски композитори. Неговото богато и разновидно творештво извршило големо влијание врз развојот на македонската музика, култура и уметност. Создал над 140 музички композиции од речиси сите видови и жанрови на класичната музика, но и голем број публицистички трудови.
Творечкиот јазик на Николовски е умерен, експресивен, со потпирање врз духовното и врз фолклорното поднебје на Македонија. Покрај композиторската, значајна е и педагошката дејност на Николовски. По завршувањето на студиите во Белград, почнал да работи како професор во Средното музичко училиште во Скопје, а потоа предавал и на Педагошкиот факултет и на Факултетот за музичка уметност, тогаш Висока музичка школа во Скопје. Бил музички уредник во Радио Скопје, претседател на Сојузот на композиторите на Македонија и претседател на Сојузот на композиторите на Југославија. Од 1981 година бил член на Македонската академија на науките и уметностите.
Делата на Николовски се изведуваат во голем број земји низ светот, а неговите текстови и реферати биле објавени во некои од најзнајните музички списанија.
Ново на Сител
-
44-годишник си ја истепал сопругата и нејзиниот малолетен син
-
Во сообраќајка на патот Куманово-Свети Николе, повредени неколку лица меѓу нив и тримесечно бебе
-
ЈП Водовод и канализација: Апел до скопјани за рационално користење на водата за пиење
-
Двајца малолетници и две женски лица на 19 и 41 година приведени за престрелката во Тетово
-
Приведен 43-годишнен кавадарчанец, управувал возило со 2,31 промили алкохол
-
Управувал возило со 2.05 промили алкохол во крвта, приведен 22-годишник
-
Топлотен бран ја зафати Европа: Пожари беснеат од Шпанија до Балканот
-
Приведен 47-годишен велешанец, при претрес во неговиот дом најдена е дрога и две дигитални ваги