Охридските сместувачки капацитети речиси распродадени за Велигденските празници
Охридските туристички работници очекуваат одлична посетеност на градот за престојниот продолжен викенд и Велигденските празници. Информациите од сопствениците на сместувачките капацитети на Охридската ривиера покажуваат дека постои голем интерес на туристите празниците да ги минат токму во Охрид.
Поголемите сместувачки капацитети и хотелите се речиси целосно закупени, а само кај помал дел има преостанати слободни легла кои се очекува да бидат пополнети со гости што ќе дојдат во приватна режија, односно оние што во последен миг ќе решат за Велигден да бидат во Охрид.
И овојпат најбројни ќе бидат гостите од Бугарија, од Србија, Грција, Албанија, Црна Гора, но има и значаен број туристи од подалечни земји. За исполнетоста ќе придонесат и голем број наши иселеници кои ќе бидат тука за празниците.
Кога станува збор за туристичките агенции во градот, нивните очекувања укажуваат на просечна пополнестот на понудените аранжмани, во најголем дел со домашни гости или туристи од непосредното опкружување.
Кај приватните станоиздавачи не можат да се дадат оценки за бројот туристи што го одбираат сместувањето во апартмани и соби, но по традиција Охрид секогаш бил солидно посетен за Велигденските празници. Првите гости во Охрид пристигнаа уште синоќа, во најголем дел оние кои имаат свои станови во градот и туристичките населби.
Ново на Сител
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција