„Охрид трчаТ“ стана договори партнер со „Ран Бугарија“

Атлетската манифестација „Охрид трчаТ“ договори партнерство со „Ран Бугарија“.

Во рамки на соработката, како што соопшти организаторот, за третото издание на „Охрид трчаТ“, кое треба да се одржи на 2 јуни 2019 година договорено е „Ран Бугарија“ да учествува со 50 учесници.

– Една од нашите цели уште од самиот почеток е „Охрид трчаТ“ да стане бренд кој ќе привлекува се повеќе и повеќе спортски гости во Охрид на задоволство на сите нас. Соработката со „Ран Бугарија“ ја договаравме уште од нашето учество на мратонот во СОфија и ни претставува големо задоволство што Охрид и „Охрид трчаТ“ ќе се дел од нивните трки за 2019 година, вели директорот на трката Иван Цветкоски.

Изрази уверување дека ова е само почеток кон привлекување на големата интернационална тркачка заедница да учествува на „Охрид трчаТ“.

– Придобивките се големи, но и обврските. Затоа ние како организатори максимално сме ангажирани во текот на целата година да го развиваме и афирмираме брендот Охрид трчаТ. Се подготвуваме за наше учество на неколку маратони и полумаратони на Балканот во 2019 година. Во преговори сме со неколку директори на трки да бидат наши гости за време на „Охрид трчаТ“. Максимално сме посветени на меѓнародната соработка и афирмација на Охрид трчаТ и веруваме дека сето тоа ќе вроди со плод и во наредните години Охрид и Охрид трчаТ ќе се домаќини на повеќе од илјада тркачи од Европа и светот, изјави Цветкоски.

Пријавувањето за учество на „Охрид трчаТ“ за 2019 година почна на 24 декември на официјалната интернет страна Ohridtrcat.mk.