Одбележување на Светски ден на планетата Земја
Македонија денеска го одбележува Светскиот ден на планетата Земја, којшто има цел да го подигне нивото на свесност кај нејзините жители за зачувување на животната средина, односно да укаже на загадувањето на воздухот и водата, радиоактивното зрачење, исцрпувањето на ненадоместливите енергенси.
Следејќи го слоганот „мисли глобално – делувај локално“, Ротари клуб од Битола Широк Сокак овој ден го посветува за свртување на вниманието кон пошироката јавност на значењето на почвата за целокупниот живот на Пленетата Земја и опстанокот на човекот.
Тие ќе донираат 500 садници трендафили кои ќе бидат распределени по основните и средните училишта во општина Битола и јавните институции.
Според нив трендафилите имаат улога на прочистувачи на почвата, водата и воздухот од тешки метали. Тие во своите цветови апсорбираат големи количества на олово, цинк и кадмиум, тешки метали кои се исклучително штетни по здравјето на луѓето, особено врз децата. ж
-Трендафилите цветаат 200 дена во годината, а за правилно одгледување потребно е да има доволно сонце, редовно да се полеваат и да се кројат два пати годишно. Ако правилно се одржуваат трендафилите може да живеат и до 30 години, поочуваат од Ротари клубот.
Денот на планетата Земја се одбележува во повеќе од 193 држави. Обединетите нации со низа манифестации ќе се обидат да мобилизираат милиони луѓе да создадат одржлива, здрава природна средина со озеленување на градовите ширум светот. За таа цел, организираат и кампања „Зелени градови“.
Минатата година на Светскиот ден на планетата Земја беше потпишан Парискиот договор за климата. За првпат, Светскиот ден на планетата Земја е одбележан на 22 април 1970 година во САД, а од 1992 година и во целиот свет.
Ново на Сител
-
Коалицијата „Европски фронт“ доставила приговор до ДИК за прегласувањето во Желино
-
ЦУК: Во тек акција за пронаоѓање и извлекување залутани лица на опасно стрмно место меѓу село Кожле и Велес
-
Несудената актерка која го создаде Мој ДДВ | Сања Лукаревска | Неформално | Sitel Podcast 039
-
РКЕ најaвува продолжување на евтината тарифа до 16 часот
-
Во Чашка затекнати двајца дрвокрадци од Прилеп
-
Комесар на СЕ за човекови права: Со Резолуцијата за Сребреница, светот се залага за правата на жртвите
-
Пронајдена дрога кај девет гости во скопски дискотеки
-
Пожар во куќа во центарот на Штип