Одбележан празникот „Света Петка“ во новоизградениот храм во Кавадарци
Верниците и свештенството на Повардарската епархија на Македонската православна црква денеска го чествуваат празникот „Света преподобна маченичка Параскева – Петка" чие име го носи новоизградениот храм лоциран во центарот на Кавадарци.
На чинот на водосветување и литургијата што ја водеше митрополитот Повардарски Агатангел присуствуваат бројни граѓани од Кавадарци и Тиквешијата, меѓу кои и на претставници на ФЕНИ Индустри, Општина Кавадарци и други.
- Новоизградениот храм има големо религиозно и културно значење и на верниците ќе им биде место за одржување на религиозните обреди и зачувување на религиозните традиции, соопшти Фени индустри.
Заменик генералниот директор на ФЕНИ Индустри, Герасим Кујунџиев, кој е најголем донатор на црквата „Св. Параскева-Петка“, истакна дека ова е една од најубавите цркви изградени во поново време во Македонија.
- Црквата е градена во традиционален византиски стил, од рачно клесан камен, архитектурата, фрескоживописот и иконостасот се дело на најдобрите современи црковни уметници, во целост запазувајќи ја средовековната македонска црковна традиција која е најубавиот архитектонски и уметнички период. И во секое најмало делче во црквата е вложено многу љубов, внимание, време, средства и знаење, рече Кујунџиев.
Црквата, како што посочи, се уште не е во целост завршена и во контекст на тоа додаде дека „за црква се вели дека никогаш и не се завршува“.
- Во нашата црква има уште многу работа. Ја користам можноста да ги повикам сите верници со свои донации да се вклучат во фазата на изработка на фрескоживописот и на тој начин да остават свое наследство за сите идни генерации верници, истакнаКујунџиев и најави дека осветувањето на црквата ќе биде на 18-ти октомври 2015 година.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата