Од последици од Ковид-19 почина синот на поранешниот хрватски претседател Туѓман

Во Загреб почина Мирослав Туѓман (75), доктор по информациски науки, пратеник во Хрватскиот Сабор и најстар син на првиот хрватски претседател Фрањо Туѓман. Мирослав Туѓман починал од ковид-19, пишуваат хрватските медиуми.

Туѓман во почетокот на годината бил хоспитализиран поради компликации со вирусот. Хрватските медиумии пишуваа дека прво дишел со помош на кислород, а потоа, бидејќи состојбата не се подобрувала, бил ставен на респиратор.