Од глад и жед умираат околу 30 мигранти дневно во Нигерија

Речиси 200 бегалци кои избегале од Боко Харам починаа минатиот месец од глад во прифатниот центар во Бама, во северниот дел на Нигерија, соопшти организацијата Лекари без граници.

Моментно во кампот во Бама се наоѓаат околу 24.000 луѓе.

Иако цела оваа област е небезбедна, една екипа на Лекари без граници успеала, првпат, да влезе во кампот, каде луѓето тврдат дека „секој ден се појавуваат новите гробови“.

Според извештајот на организацијата, во кампот владее „апсолутна хуманитарна катастрофа“, во која секојдневно од глад и болести предизвикани од изгладнување умираат околу 30 луѓе.

- На секое петто дете во кампот му е дијагностицирано акутно изгладнување, а освен тоа очевидно е дека децата се трауматизирани, бидејќи виделе и преживеале многу стравови, велат од Лекари без граници.