Од денеска затворен за сообраќај патот Бистренци - Корешница

Од денеска до сабота ќе биде затворена за сообраќај делницата меѓу Бистренци - Корешница на регионалниот патен правец Војшанци – Бистренци – Корешница.

Прекинот на сообраќајот, како што информира Диспечерско-информативниот центар на ЈП „Македонија пат“, е поради изведување градежно-асфалтерски работи.

За време на градежните активности ќе биде поставена соодветна сообраќајна сигнализација.