Објавен Меѓународниот студенски конкурс за плакат
Здружението на графички дизајнери од Македонија - Плакарт, кое годинава одбележува 10 години од постоењето, го објави годинашниот конкурс за избор на студенски плакат на тема „Вештачка интелигенција и реалноста“.
- На годинашниот конкурс студентите од Македонија ќе можат да се натпреваруваат со своите колеги од целиот свет на темата, која како и секоја година привлекува посебно внимание во глобални размери. Ова е горлива тема за бизнис елитите и политичките лидери, воедно претставувајќи глобално прашање кое ги засега и развиените, но и земјите во развој и неразвиените земји, наведуваат од Плакарт.
Крајниот рок за доставување на плакатите е 30 октомври, а фазата на жирирање ќе се одвива во три селекции - прелиминарна онлајн фаза, главна онлајн фаза и жири сесии во живо во Скопје пред отворањето на фестивалот.
Првонаградените ќе добијат можност да ги изложат своите дела во рамки на 11. Скопје постер фестивал во 2018 година, а дополнително ќе добијат екслузивен пристап и учество во работата на жирито во текот на 11. СПФ и во сите програмски настани.
Повеќе за темата, условите за учество и наградите може да се најде на линкот: https://skopjeposter.com/mk/
Организаторите најавуваат дека меѓународното жири од дизајнери, едукатори и креативци надополнето со македонски дизајнери ќе биде објавено кон крајот на април или почетокот на мај.
Дизајнот на плакатот за овогодинашниот конкурс и фестивал го изработи Мишел Буве, организатор на најголемиот фестивал за графички дизајн во Франција „Fete Du Graphisme“.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп