Обама: Претстојната битка за Мосул одлучувачка за уништување на ИД

Претседателот на САД Барак Обама изјави дека претстојната битка за преземањето на ирачкиот град Мосул од џихадистите ќе биде одлучувачка за уништувањето на Исламска држава.

Обама, кој ќе се сретне со ирачкиот премиер Хајдер ал Абади на маргините на годишната сесија на Генералното собрание на Обединетите нации изрази надеж дека до крајот на годината ќе биде постигнат напредок во однос на Мосул.

Абади истакна дека се надева оти Мосул, вториот по големина град во Ирак, преземен од џихдистите во 2014 година ќе биде ослободен следниот месец.

Обама нагласи дека еден од од најголемите предизвици е брзо доставување хуманитарна помош за луѓето протерани од војната.

Ирачки команданти изјавија дека операцијата за враќање на Мосул, град кој ИД го прогласи за своја престолнина, може да почне до крајот на октомври.