Обама ги повика демократите во Конгресот да се борат против укинување на реформата за здравствено осигурување
Барак Обама ги повика демократите во Конгресот да се борат против укинување на неговата емблематична реформа на здравствено осигурување, која Доналд Трамп има намера да ја укине по стапувањето на должност, на 20 јануари, пренесоа француските медиуми.
„Ви завидувам за борбата што ќе можете да ја водите за да го одбраните здравјето на Американците“, изјавил Обама на средбата зад затворени врати на демократите во Конгресот, соопшти сенаторот Ед Марки.
-Претседателот подвлече дека ние сме на вистинската страна и не поттикна да се бориме, рече конгресменот Џон Луис, повикувајќи се на анкетите кои покажуваат дека главните елементи од реформата и натаму остануваат популарни меѓу луѓето.
-Републиканскиот проект нема Америка повторно да ја направи голема, туку тој Америка ќе ја направи повторно болна, изјави лидерот на демократите во Сенатот, Чак Шумер, парафразирајќи ја предизборната парола на Трамп.
По своите изборни порази на претседателските и парламентарните избори, меѓутоа, демократите се во малцинство и во двата дома на Конгресот и речиси немаат простор за маневрирање. Нивната единствена надеж е да го мобилизираат јавното мислење во САД, забележуваат француските медиуми.
Ново на Сител
-
За состојбата на државниот буџет - Гостинка во вестите Гордана Димитриевска Кочоска, министерка за финансии
-
Бугарското МНР со порака до Скопје: Процесот на интеграција се заснова на заслуги, посредувањето не е дозволено
-
БиХ брои жртви по катастрофалните поплави
-
Можни ли се поплави во Македонија како во Босна и Херцеговина?
-
Партиски препукувања додека струмичани немаат вода за пиење
-
Тема на денот со Владимир Божиновски, политички аналитичар
-
Клиниките ќе се спојуваат во 2026, Таравари ќе враќа лекари од приватното во државното здравство
-
Бела ноќ со француската атракција групата „Кидам“ со уличниот спектакл „Сонот на Еребер“