Норвешка ја призна палестинската држава

Норвешка ќе го признае постоењето на палестинска држава од 28 мај, објави денеска норвешкиот премиер Јонас Гар Сторе и покрај предупредувањата од израелската влада. „Ние веруваме дека решението со две држави е во најдобар интерес на Израел“, рече норвешкиот премиер на специјално свикана прес-конференција. Тој додаде дека целта е „да се постигне палестинска држава која е политички кохезивна и која произлегува од палестинската самоуправа“.

Се очекува и други европски земји да преземат слична иницијатива денеска: шпанскиот премиер Педро Санчез се очекува да го објави датумот кога Мадрид ќе ја признае палестинската држава, а ирската влада утринава свика прес-конференција за да ја објави својата одлука објавија локалните медиуми.