Американското Министерство за правда ќе го обжали налогот на хавајскиот судија
Министерството за правда на САД најави дека ќе поднесе жалба на одлуката на хавајскиот федерален судија, кој издаде налог за блокирање на ревидираните ограничувања на претседателот на САД, Доналд Трамп за патувања од некои муслимански држави.
Жалбата ќе ја разгледува Апелацискиот суд во Сан Франциско, кој минатиот месец ја поддржа суспензијата на првата уредба за патување на Трамп.
Федерален судија на Хаваи во средата ја продолжи на неодредени време важноста на судскиот налог со што е блокирана новата забрана за влез во САД за државјаните на шест претежно муслимански земји, воведена од Трамп.
Американскиот претседател на шести март потпиша нова забрана во обид да се надминат правните проблеми на кои наиде неговата извршна наредба од јануари, што предизвика хаос на аеродромите и масовни протести, пред судија од Вашингтон да ја запре примената во февруари.
Трамп истакнува дека забраната за патување е нужна за националната безбедност, додека Хаваи и другите американски сојузни држави се спротиставуваат на забраната тврдејќи дека мотивите за нејзино воведување се засновани на религијата и на предизборното ветување на претседателот за „целосно стопирање на влез на муслиманите во САД“.
Ново на Сител
-
Без вода дел од стар Аеродром
-
МВР: Нормализиран протокот на граничните премини, не е точно дека е вратен стариот систем на контрола на ГП Блаце
-
Трамп објави царини од 30 отсто за Мексико и Европската Унија
-
Мицкоски за можна вмешаност на функционер од ДУИ во пожарите: Aко се потврди вина, ќе биде проблем за некои!
-
Битолчанец фрлил експлозивна направа на улица, оштетил седум автомобили
-
Автомобил без контрола се движел кон полицајци, дрвокрадци рипнале од него во движење
-
Припадникот на АРМ бил убиен бидејќи неговата ќерка одбила да се мажи со лицето кое пукало
-
OJO бара притвор за напаѓачот на Арсовска