Завршна конференција од програмата „Форуми во заедницата“
По повод 10 години од програмата „Форуми во заедницата“ којашто во Македонија започна да се спроведува во 2006 година денеска во Скопје ќе се одржи завршна конференција која е финансирана од Швајцарската агенција за развој и соработка (SDC), во стратешко партнерство со Заедницата на единиците за локална самоуправа (ЗЕЛС).
На Конференцијата предвидено е да се обратат министерката за локална самоуправа Ширет Елези, амбасадорката на Швајцарија Сибил Зутер Техада, како и претседателот на ЗЕЛС Коце Трајановски.
Програмата „Форуми во заедницата“ е модел за вклучување на граѓаните во донесувањето одлуки од локалната самоуправа и има за цел да го поддржи процесот на децентрализација во Република Македонија. Граѓаните, на овој начин, имаат можност да го подобрат секојдневниот живот со сопствени идеи, а администрацијата да развие локално управување преку учество, одговорност и доверба.
Програмата, од 2006 година до денес, се спроведе во 59 општини во кои беа одржани 111 форумски процеси и спроведени 106 проекти утврдени како приоритети од граѓаните што ги финансираше SDC со ко-финансирање од општините. Речиси 60 општини ги изменија своите статути вклучувајќи го форумот како форма на донесување одлуки заедно со граѓаните.
Ново на Сител
-
Најмалку девет лица загинаа во самоубиствен бомбашки напад во црква во Дамаск
-
Рубио: Светот е побезбеден по американските напади врз Иран
-
На Богородица и Табановце од македонска страна се чека околу еден час
-
Скопјанец ја повредил својата четиригодишна ќерка, предложен притвор
-
Израел го отвори воздушниот простор по американските напади врз Иран
-
11 наши државјани чекаат евакуација од Тел Авив, летовите ќе бидат обновени во зависност од безбедносната ситуација
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле