-->
-->
УС Опен: Ново финале за Ѓоковиќ
-->
Новак Ѓоковиќ избори пласман во своето шесто финале на УС Опен, откако во полуфиналето, за помалку од 90 минути, го декласира бранителот на титулата Марин Чилиќ со 6:0, 6:1, 6:2.
Ѓоковиќ во полуфиналето го одигра својот најдобар меч во досегашниот тек од УС Опен и веројатно еден од своите најдобри мечеви оваа сезона, додека Чилиќ која ја бранеше титулата делуваше индиспонирано и го доживеа еден од најтешките порази во кариерата.
Српскиот тенисер славеше и во 14-от дуел со Чилиќ, а в недела ќе го игра своето 18-то Грен слем финале.
Од самиот почеток на мечот Ѓоковиќ беше максимално концентриран, од првите 15 гемови доби 14, додека Чилиќ како воопшто да не беше присутен на теренот. Изговор за слабата игра на Чилиќ не може да му биде ниту повредата на скочниот зголб со која има проблеми уште од четвртото коло.
Мал блесок Хрватот имаше во третиот сет кога успеа да му го одземе сервисот на противникот и да израмни на 2:2, но до крајот на сетот Ѓоковиќ лесно доби четири гема во низа и да го заврши мечот.
Противник на Ѓоковиќ во финалето ќе му биде Роџер Федерер или Стен Вавринка.
-->
-->
-->
Ново на Сител
-
Папа Лав Четиринаесетти: Момент е за дијалог и градење мостови
-
Венс: Доколку Русија не сака да се вклучи во преговорите, САД ќе мора да кажат дека „ова не е нивна војна“
-
Утре облачно, од среда со попладневен локален пороен дожд
-
Од утре тим специјалисти ќе ја утврдува состојбата на секој пациент од пожарот во Кочани
-
Кривична за градоначалникот на Крива Паланка, дозволил поставување урбана опрема на угостителски објект без да се исполнат условите
-
Лекари: Ракот на Бајден е неизлечив, но има добри вести
-
Од што боледува Бајден, кои се неговите опции за лекување?
-
Управниот суд ја поништи одлуката за избор на Елизабета Дуковска за уставен судија