Мачка се вратила дома по 15 години

Кога мачката Јода исчезнала пред 15 години нејзината сопственичка Хелен Волс мислела дека никогаш повеќе нема да ја види. По цели 15 години Јода се вратила дома и ја оставила сопственичката без зборови. 

Имено Хелен примила повик од ветеринарот, кој ја воодушевил со вестите за Јода. 

- Кога видов дека ослабнала и изгледаше уморно, заплакав. Ветеринарот ми објасни дека остарела и загубила на тежина, но се врати дома и пресреќна сум!, изјави Хелен, која пред 18 години купила две слатки мачиња за својата ќерка Емили. 

Емили била голем обожавател на серијалот „Војна на ѕвездите“, поради што мачката ја нарекла Јода, а другата Фурби. Инаку една од причините за заминувањето на Јода, било дивото однесување на Фурби, „алфа“ мачка во семејството.