Гвардиола: Можеше да биде подобро но и полошо!
Манчестер Сити и Монако, во вторникот, го одиграа еден од најдобрите натпревари во Лигата на шампионите, Сити победи 5:3, а по мечот менаџерот Пеп Гвардиола истакнал дека е задоволен од резултатот.
Манчестер Сити со голем пресврт успеа да стекне преднос пред реваншот во Монако, откако противникот два пати водеше (1:2, 2:3).
„Размислувавме само како да напаѓаме и напаѓавме, напаѓавме…Монако оваа сезона има постигнато 80 голови, тие напаѓаат со многу играчи. Физички се силни, тие се навистина врвна екипа. Поради тоа се лидери во првенството. Ние сме задоволни од резултатот. Можеше да биде и подобро, но и полошо за нас“, рекол Гвардиола.
Сити водеше со голот на Стерлинг, потоа Фалкако и Мбапе направија пресврт до крајот на првото полувреме. Фалкао на почетокот на вториот дел промаши пенал, а Агуеро по картастрофалната грешка на Субашиќ израмни. Потоа Фалкао постигна брилијантен гол за ново водство на Монако, а во последните 20 минути Агуеро, Стонс и Сане му донесоа предност на Сити од два гола пред реваншот во малото кнежевство.
„Имавме среќа. Менатлно бевме многу стабилни. Ова искуство ќе ни биде од голема помош во иднина. Монако има подолга историја во Лигата на шампионите, а во едно вакво натпреварување искуството е неопходно за да можеш да напредуваш. Секако ништо не е решено, во Монако може се да се случи“, дополнил Гвардиола.
Ново на Сител
-
ОЈО: Скопјанец осомничен за семејно насилство, предложен притвор
-
При претрес на началник во полициската станица пронајден солзавец и муниција
-
Две лица на возраст од 52 и 77 години пронајдени починати во своите станови во Скопје
-
Голем пожар во Хрватска меѓу Омиш и Макарска
-
ОЈО почна истрага за членот на „Десна“ кој се ослободил од пиштолот со кој Палчо пукал
-
Кумановец возел со 2,37 промили алкохол во крвта па удрил во паркирано возило
-
Уапсени двајца возачи, едниот возел со 1,90 промили алкохол, другиот со 1,60 промили алкохол во крвта
-
Јаневска: Воведување на вештачката интелигенција е следен чекор во процесот на дигитална трансформација на образовниот систем