ВМРО-ДПМНЕ: Продолжува инвестицискиот циклус во здравството
Владата предводена од ВМРО-ДПМНЕ во континуитет продолжува да инвестира во здравството, во здравствената инфраструктура, обука и едукација на здравствениот кадар.
Ова денеска на прес-конференција го истакна Марија Јакимовска од ВМРО-ДПМНЕ, која рече дека новиот циклус инвестиции почнува со тендерот за набавка на опрема за Клиничката болница во Тетово, вреден околу 2 милиони евра со кој што ќе се набават повеќе од 1.200 парчиња медицинска опрема.
Таа рече дека овој циклус инвестиции е вреден 33 милиони евра со кои што ќе се набави опрема за над 100 јавни здравствени установи низ целата држава.
- Досега само во набавка на најсовремена медицинска опрема се инвестирани над 115 милиони евра со што значително се подобри здравствената услуга за граѓаните и се зголеми капацитетот на здравствени услуги кои што ги пружаат установите. Со ваквите инвестиции се обезбедија голем број мамографи, томографи, рентген апарати и други современи медицински апарати во повеќе здравствени установи, а со тоа граѓаните добија подостапни дијагностички услуги во рамки на градовите и регионите каде што живеат, потенцира Јакимовска.
Според неа, вакви сериозни циклуси на инвестиции се реализираат само во време на Влада предводена од ВМРО-ДПМНЕ.
- Жалиме што претходно СДСМ никогаш немаше слух за подобрување на капацитетите и опременоста на здравствените установи во државата. Тие трошеа сериозни суми на име на здравствен буџет во државата, а од тоа никој не гледаше ниту апарати, ниту подобрена инфраструктура. Единствено по кое јавноста го памети времето на СДСМ беше набавката на скап накит, сомнителни тендери за стентови и континуирани кризи со лекови. ВМРО-ДПМНЕ и во иднина ќе продолжи да работи на подобрување на здравствениот систем во државата. Тоа што ВМРО-ДПМНЕ го ветува, тоа секогаш и го остварува, додаде Јакимовска.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд