Дипломати во САД со меморандум против одлука на Трамп

Американски дипломати подготвиле меморандум во кој ја критикуваат привремената забрана за влез во САД на државјани од седум муслимански држави која американскиот претседател Доналд Трамп ја потпиша неодамна.

Дипломатите во порака до Стејт департментот наведуваат дека таа забрана нема да ги направи САД побезбедни туку таа е спротивна на американските врендости и дека ќе прошири антиамерикански чувства ширум светот.

Тие велат дека забраната нема да доведе до намалување на терористичките напади во САД туку наместо тоа, до намалување на „меѓународната добра волја кон Американците“.

Американски медиуми кои имале увид во меморандумот објавуваат дека стотици американски дипломати го потпишале меморандумот и  се очекува денеска тој да биде доставен.