Николиќ: За Србија Русија е главен сојузник и никогаш нема да поддржи санкции против неа
Повеќето граѓани на Србија ја оценуваат Русија како нивен главен сојузник и српските власти никогаш нема да ги поддржат антируските санкции, изјави српскиот претседател Томислав Николиќ во интервјуто за португалскиот весник „Диариу ди нотисиаш“.
- Тоа не е само прашање на емоции, Србија постојано добива голема помош и поддршка од Русија и од нејзиниот претседател Владимир Путин по прашања кои се многу важни за неа, истакна Николиќ.
На прашањето како Белград може да ја задржи рамнотежата меѓу односите со Русија и процесот за интеграција во ЕУ, српскиот претседател одговори дека тоа е тешко и оти најголемиот проблем за Србија е постојаниот притисок да ја усогласи надворешната политика со политиката на ЕУ.
Според Николиќ, тоа во превод би значело дека Србија треба да воведе санкции против Русија, што Белград никогаш нема да го направи.
Тоа според него би нанело штета врз српската економија и на виталните национални интереси.
Ново на Сител
-
Принцот Хари ја изгуби правната битка со британската влада околу полициска заштита
-
На Табановце зголемена фреквенција на возила за влез и излез од државата
-
Спиењето на стомак влијае лошо на човековото здравје
-
Дисциплинска комисија на ФФМ: Одземени 9 бода на ФК Гостивар и десет натпревари забрана за настап на свој терен
-
САД се повлекуваат од посредништвото во мировните преговори меѓу Украина и Русија
-
Приведен 32-годишен криминалец од Скопје баран со потерница за затворска казна од две години
-
Кривична против полициски службеници од сообраќајна патрола во Скопје за „попречување на правдата“
-
Мицкоски: Состојбата во владината коалиција е одлична, ќе се случи средба со Таравари