Бренан: Критично важно е САД и Русија да ги поправат своите односи

Директорот на ЦИА, Џон Бренан, изјави дека  од суштинска важност за глобалната стабилност е САД и Русија да ги поправат своите односи.

Тој изјави дека се залага за тоа да се премости моменталниот период на високи тензии во односите меѓу Русија и САД, пренесе ТАСС.

Во интервју за „Пи-Би-Ес њузаур“, Бренан, исто така, оцени дека, според негово мислење, не постојат основи за приказната за нова студена војна и додаде дека „навистина се надева дека е тоа така“.

-И навистина се надевам, имајќи ги во предвид неколкуте следни година, дека односите меѓу Москва и Вашингтон ќе се поправат, затоа што од критична важност за глобалната стабилност е САД и Русија да имаат подобри односи, апсолутно, и јас во целост тоа го поддржувам, наведе Бренан во интервјуто.