На инаугурацијата на Трамп ќе пее хорот на Храмот на мормоните
Хорот на Храмот на мормоните се согласил да пее на церемонијата на стапување на должноста на новоизбраниот американски претседател Доналд Трамп, пренесуваат американските медиуми.
Црквата на својот сајт соопшти дека 360-члениот хор од доброволци ја примил поканата за церемонијата на инаугурација на 20 јануари.
Хорот досега пеел на инаугурациите на уште неколкумина американски претседатели, меѓу кои Џорџ Буш-постариот, Џорџ Буш-помладиот и Роналд Реган.
Шефот на хорот Рон Џарет изјави дека за хористите ќе биде огромна чест да настапат на церемонијата.
Американските медиуми потсетуваат дека за време на првичните избори на Републиканската партија Трамп имаше големи проблеми да ги добие гласовите на мормоните, кои беа скептични кон неговата кандидатура.
Претходно овој месец комитетот на Трамп за стапување на должноста соопшти дека на церемонијата химната ќе биде исполнета од ѕвездата од „Америка бара талант“ Џеки Еванхоу.
Трамп вчера на Твитер напиша дека би сакал „луѓе“ да бидат на церемонијата, а не познатите кои, според него, бараат билети за настанот. На адреса токму на познатите, кои ја поддржаа кампањата на Хилари Клинтон, тој кажа „Погледнете што направија за Клинтон. Ништо“.
Во твитот тој не спомена конкретни имиња.
Ново на Сител
-
ВМРО-ДПМНЕ: Договорот со Обединетото Кралство ќе ја трансформира државата
-
Лишено од слобода едно лице од Неготино поради сомнение за „криумчарење мигранти“
-
Сиљановска-Давкова не го открива името на идниот гувернер, вели дека веќе знае кој ќе биде тој
-
Собранието ги констатира оставките на министерот Таравари и двајца заменици министри
-
Калас: Мораме да го засилиме притисокот врз Русија за да ја натераме да се согласи на мир
-
ЕУ воведува нов систем на гранциите - ќе важи и за македонските граѓани
-
Уставен ги укина членовите 17 и 18 од Изборниот законик
-
Мирот во Украина изгледа подалеку по телефонскиот разговор на Трамп со Путин